Төсөөтэй газар зүйн заалтыг нэг газар нутагт давхардуулж бүртгүүлэхэд гарах үр дагавар

2025/04/07 0

Нэг нутаг дэвсгэрт ойролцоо нэртэй газар зүйн заалтуудыг давхардуулж бүртгүүлэх нь дараах сөрөг үр дагавартай. Үүнд:

1. Хуулийн маргаан, зөрчил үүсэх

Газар зүйн заалтын нэршил ойролцоо байх нь хэрэглэгч, үйлдвэрлэгчдийн дунд төөрөгдөл үүсгэж, улмаар:

2. Нэр хүндийн ялгарал алдагдах

Төсөөтэй газар зүйн заалтууд нь зах зээл дээрх бүтээгдэхүүний ялгарлыг сулруулж, улмаар сайн чанартай, нэр хүндтэй бүтээгдэхүүнийг:

Бусад чанаргүй бүтээгдэхүүнтэй андуурах,
Зохисгүй ашиглах зэргээр нэр хүндэд нь сөргөөр нөлөөлөх,
Хэрэглэгч тухайн бүтээгдэхүүний гарал үүсэл, чанар, онцлогийг буруу ойлгож итгэл алдах.

3. Гадаад худалдаанд үзүүлэх сөрөг нөлөө

Газар зүйн заалттай бүтээгдэхүүнийг олон улсын зах зээлд гаргах үед:

Төстэй газар зүйн заалтуудыг гадаад улсад бүртгэхгүй буюу эрх хамгаалагдахгүй байх,
Зах зээлийн хандалтыг алдах г.м.

4. Захиргааны байгууллагуудад гарах хүндрэл

Бүртгэлийн байгууллагуудын хувьд ижил төстэй нэртэй газар зүйн заалтыг ялгаж зохицуулахад хүндрэлтэй,
Мэдээллийн бааз, эрх зүйн баримт бичигт зөрүү, зөрчил үүсч, хууль хэрэгжилт удаашрах.

5. Үйлдвэрлэгчдийн эдийн засгийн хохирол

Брэнд, маркетинг хөгжүүлж газар зүйн заалтад хөрөнгө оруулсан үйлдвэрлэгчид:

Төстэй нэршил бүхий газар зүйн заалттай бүтээгдэхүүнээс болж борлуулалт алдах, орлого буурах,
Зах зээл дээр өрсөлдөх чадваргүй болох зэрэг эрсдэлтэй.

Иймд эдгээр эрсдэлээс сэргийлэхийн тулд:

Газар зүйн заалтыг бүртгүүлэхийн өмнө байгал цаг уур, нутгийн зан заншил, ахуй соёлыг шингээсэн цорын ганц, онцлог, ялгаралтай байх:
Барааны тэмдэг, газар зүйн заалтын тухай хуульд заасан шаардлага
Өмнөх бүртгэлүүдийн дунд хайлт хийж, зөрчлөөс сэргийлэх:
Оюуны өмчийн газрын Аж үйлдвэрийн өмчийн мэдээллийн сан
Орон нутгийн үйлдвэрлэгчдийн холбоо, хоршоотой хамтран нэгдэж ажиллахыг зөвлөж байна.