МҮХАҮТ-ын оюуны өмчийн үйлчилгээний тухай

МҮХАҮТ нь Монгол Улсын Оюуны өмчийн газраас олгосон №001 тоот тусгай зөвшөөрөлтэйгөөр оюуны өмчийн итгэмжлэгдсэн төлөөллийн үйл ажиллагаа явуулдаг. Танд дараах үйлчилгээг санал болгож байна. Үүнд:

• Оюуны өмчийн мэдээллийн санд хайлт шүүлт хийж, биснест сөргөөр нөлөөлөх эрсдлийг тооцоолох,
• Танд тохирох оюуны өмчийн эрхийн төрлийг тодорхойлж, бүртгэлийн ажлыг хийж гүйцэтгэх,
• Эрх эзэмшигчийн нэр, хаягийн өөрчлөлт болон бүртгэлийн хүчинтэй хугацааг сунгуулах, 
• Бизнесийн өрсөлдөөнд сөргөөр нөлөөлөх эрсдэл бүхий мэдүүлэгт эсэргүүцэл гаргах,
• Оюуны өмчийн эрхийг бүртгэхээс татгалзсан урьдчилсан шийдвэрт үндэслэл бүхий хариу тайлбар боловсруулж гаргах,
• Оюуны өмчийн шинжээчийн гаргасан аливаа мэдэгдэл, урьдчилсан шийдвэрийн хариуд нэмэлт өөрчлөлтийг боловсруулж гаргах

МҮХАҮТ-ын оюуны өмчийн үйлчилгээний давуу тал:

• Оюуны өмчийн салбарт мэргэшсэн, туршлагатай хүний нөөцийг бүрдүүлж, 3 тусгай зөвшөөрөлтэй оюуны өмчийн итгэмжлэгдсэн төлөөлөгч ажиллаж байгаа бөгөөд МҮХАҮТ нь энэ чиглэлээр 1970 оноос хойш тасралтгүй үйл ажиллагаа явуулж байна. 
• Төлөөллийн ажлыг хийж гүйцэтгэхээс өмнө оюуны өмчийн эрсдлийг тооцоолох үүднээс хайлт шүүлтийн тайлан гаргах,
• Оюуны өмчийн бүртгэлийн хүчинтэй хугацааны талаар мэдэгдэл сануулга хүргүүлэх, 
• Оюуны өмчийн талаарх хууль, журамд орсон өөрчлөлтийн талаарх мэдээллийг цаг тухай бүрт хүргэх, 
• Бусад зөвлөгөө, мэдээллийг биечлэн болон зайнаас түргэн шуурхай хариу өгч шийдвэрлэх.

Холбоо барих:

Патент, барааны тэмдэг, газар зүйн заалтын газар
Утас: (976) 77277070-8
Цахим шуудан: patenttmbur@mongolchamber.mn