Олон Улсын Зөвлөх Инженерүүдийн Холбооны ЕРС, түлхүүр гардуулах нөхцөлтэй төслийн мөнгөлөг номыг орчуулжээ
Олон улсын зөвлөх инженерүүдийн холбоо /FIDIC/ нь барилга, бүтээн байгуулалтын салбарын үйл ажиллагаанд олон улсын туршлагыг хөгжүүлэх чиглэлээр үйл ажиллагаа явуулдаг мэргэжлийн олон улсын байгууллага юм. Тус холбооноос эрхлэн гаргадаг төслийн гэрээний баримт бичгүүд нь уул уурхай, аж үйлдвэр, зам тээвэр, харилцаа холбоо, эрчим хүчний барилга байгууламж барих олон улсын томоохон бүтээн байгуулалтанд жишиг загвар болон хэрэглэгддэг билээ.
FIDIC Conditions of Contract for EPC/Turnkey Projects буюу Мөнгөлөг ном/Silver Book/-ын 1999 оны хувилбар гэрээний ном нь инженеринг, худалдан авалт, барилга/EPC/-ын цогц ажлыг түлхүүр гардуулах нөхцөлтэй гүйцэтгэхэд зориулагдсан гэрээний ерөнхий нөхцөлийг агуулсан байдаг ба томоохон бүтээн байгуулалтын ажилд өргөнөөр ашиглагддаг. Тэгвэл Монгол Улсад анх удаа МҮХАҮТ-ын гишүүн байгууллага – Өмгөөллийн Легал Полиси ХХН -ийн хуульчид Л.Отгонбаяр, М.Шинэбаяр нар Англи хэлнээс эх хэл рүү орчуулсан байна.
Энэ номын талаар болон ЕРС гэрээтэй холбоотой хууль зүйн зөвлөгөөг 99117720, 88115425 дугаарын утсаар холбоо барин авч болох юм байна.
