Үндэстэн дамнасан корпорацын тухай ОУХБ-ын тунхаглал

Үндэстэн дамнасан корпорацын тухай ОУХБ-ын тунхаглалд тусгасан зарчмууд нь үндэстэн дамнасан корпорац, Засгийн газар, ажилтны болон ажил олгогчийн төлөөллийн байгууллагад хөдөлмөр эрхлэлт, сургалт, ажиллаж, амьдрах нөхцөл, хөдөлмөрийн харилцаа зэрэг чиглэлээр удирдамж өгөх зорилготой. Энэхүү удирдамжийн ихээхэн хэсэг нь олон улсын хөдөлмөрийн хэм хэмжээ буюу конвенц, зөвлөмжийн агуулгад тулгуурласан болно. ОУХБ-аас 1998 онд батлан гаргаж, 2022 онд нэмэлт, өөрчлөлт оруулсан Хөдөлмөрийн хүрээний суурь зарчим ба эрхийн тухай Тунхаглал бол хүн бүрд зохистой хөдөлмөр эрхлэх боломж олгох зорилтыг хэрэгжүүлэхэд гол чухал үүрэгтэй гэдгийг нийтээр хүлээн зөвшөөрсөн бөгөөд уг баримт бичиг энэхүү удирдамжийн үндэс болсон. Хавсралт I-д Үндэстэн дамнасан корпорацын тухай тунхаглалд холбогдол бүхий ОУХБ-ын конвенц, зөвлөмжийн жагсаалтыг
оруулав.