Европын холбооны "Бүртгэгдсэн экспортлогчдын систем"-ийн гарын авлага

Эмхэтгэсэн: Ц.Хулан /МҮХАҮТ - Хэрэглэгч, үйлчилгээний газар/

ӨМНӨХ ҮГ

Монголын Үндэсний Худалдаа Аж Үйлдвэрийн Танхимаас Монгол улсын худалдааг дэмжих ТРАМ төсөлтөй хамтран Европын Холбооны “Бүртгэгдсэн Экспортлогчдын Систем” (REX) гарын авлагыг экспортлогч, худалдаа эрхлэгч та бүхэнд танилцуулж байна.

Европын Холбоо (ЕХ)-ны “GSP”+ Хөнгөлөлтийн Ерөнхий Системийн хүрээнд импортын барааны татварын хөнгөлөлт эдэлж буй бүтээгдэхүүний гарал үүслийн бүртгэлийг цахимжуулж, түүнийг Монгол улс 2020 оны 01 дүгээр сарын 01—ний өдрөөс эхлэн (ЕХ)-ны REX буюу “Бүртгэгдсэн экспортлогчдын систем”-ийг нэвтрүүлж буйтай холбогдуулан Монгол Улсын Гадаад Харилцааны яам (ГХЯ), Монгол Улсын Гаалийн Ерөнхий Газар (ГЕГ), Монголын Үндэсний Худалдаа, Аж Үйлдвэрийн Танхим (МҮХАҮТ) хамтран хэрэгжүүлэхээр болоод байна. Уг “Бүртгэгдсэн экспортлогчдын систем”-д аж ахуйн нэгжүүдийг бүртгүүлэх, бүртгэлийн санг хөтлөх үйл ажиллагааг МҮХАҮТ гүйцэтгэх гэж байна.

Энэхүү гарын авлагыг та өөрийн бизнесийн үйл ажиллагаанд ашигласнаар REX буюу “Бүртгэгдсэн экспортлогчдын систем”-д хэрхэн бараа бүтээгдэхүүнийхээ гарал үүслийг бие даан мэдүүлэх талаар бүрэн ойлголттой болохоос гадна ЕХ-ны зах зээлд бараа бүтээгдэхүүнээ экспортлоход дэмжлэг үзүүлнэ гэдэгт итгэлтэй байна.

Таньд амжилт хүсье.
МҮХАҮТ-ын дарга Т.Дүүрэн