(+976) 7727-7070
info@mongolchamber.mn
08:30 - 17:30
Ажлын цаг

Орон нутгийн хөгжилд төр хувийн хэвшлийн хамтын ажиллагаа” чуулган Эрдэнэтэд эхэллээ

2020/01/23 0

МҮХАҮТ-аас санаачлан "Эрдэнэт үйлдвэр" ТӨҮГ-тай хамтран зохиож буй “Орон нутгийн хөгжилд төр хувийн хэвшлийн хамтын ажиллагаа” чуулган Эрдэнэтийн “Уурхайчин” Соёлын ордонд эхэллээ.

Форумыг нээж МҮХАТ-ын Ерөнхийлөгч О.Амартүвшин үг хэллээ. МҮХАҮТ-аас 16 аймагт Төр хувийн хэвшлийн түншлэлийн бүтэц байгуулсан бөгөөд Бизнесийн орчны судалгаан дээр тулгуурлан “Тийрэлтэт эдийн засгийн шинэ загвар” боловсруулснаа танилцууллаа. Мөн Орон нутгийн Өрсөлдөх чадварын судалгаагаар Орхон аймаг тэргүүлж байхад Булган аймаг 21 дүгээрт жагссаныг онцолж, ойр орчмын аймгуудтайгаа хөл нийлүлэн, бизнес эрхлэгчдийн оролцоон дээр суурилсан кластерын зарчмаар хөгжих боломж байгааг тодотголоо.

Мөн Эрдэнэт ТӨҮГ-ын Ерөнхий захирал Х.Бадамсүрэн үг хэлж, Эрдэнэт үйлдвэр орон нутгийн бизнес эрхлэгчдээ нэн түрүүнд дэмжих бодлого барьж буйгаа мэдэгдлээ.

Уг арга хэмжээнд Сангийн яам, Төрийн өмчийн зохицуулах хорооны төлөөлөл болон Булган, Орхон аймгийн Засаг захиргаа, Эрдэнэт ТӨҮГ, МҮХАҮТ, Баяннуур хотын Худалдааг дэмжих хорооны Улаанбаатар дахь төлөөлөгчийн газар, орон нутгийн бизнес эрхлэгчид, үндэсний үйлдвэрлэгч нийт 400 гаруй хүн оролцож байна.

Мөн энэ үеэр орон нутгийн 100 орчим үйлдвэрлэгчдийн бараа бүтээгдэхүүний үзэсгэлэн гарч байна.