Бизнесийн Сэргэлт Баруун бүсэд
Хөрөнгө оруулалтад онцгой үүрэгтэй бизнесийн салбарын сэргэлтийг дэмжихээр МҮХАҮТ Бизнесийн Сэргэлт Үндэсний Хөтөлбөрийг зарлаад буй. Энэ хүрээндээ ЭЗХЯ, Хөрөнгө оруулалт худалдааны газар, Увс аймгийн ЗДТГ-тай хамтран бүс нутгийн эдийн засаг, нийгмийн хөгжлийг эрчимжүүлэх, хөгжлийн төслүүдийн уялдааг нэмэгдүүлэх замаар орон нутгийн хөгжлийн харилцан уялдааг сайжруулах, улмаар хөрш орнуудтай гадаад худалдааг нэмэгдүүлж, бүс нутгуудтай эдийн засгийн интеграцийг дэмжих ажлыг төр, хувийн хэвшлийн түншлэлийн хүрээнд хамтран хэрэгжүүлэх зорилгоор “Бизнесийн сэргэлт- Баруун бүсийн форум”-ыг 2024 оны 4 сарын 26-28-ы өдрүүдэд зохион байгуулах гэж байна.
Увс аймгийн төв Улаангомд болох тус форумаар аялал жуучлал, тээвэр логистик, хөдөө аж ахуй, худалдаа, хөрөнгө оруулалт сэдвээр хөрөнгө оруулагчид, худалдаа, бүс нутгийн эдийн засгийн хамтын ажиллагааны чиглэлд ажиллаж буй төрийн байгууллагууд, баруун 5 аймгийн Худалдаа, аж үйлдвэрийн салбар танхимууд, Монголын баруун бүсийн бизнес эрхлэгчид болон ОХУ-ын Монгол Улстай хил залгаа аймгийн бизнес эрхлэгчид, Олон улсын байгууллагууд, Мэргэжлийн холбоод, хэвлэл мэдээллийн байгууллагууд оролцоно. Түүнчлэн бизнесийг чадавхжуулах сургалтууд болон ОУ-ын бизнесийн магистрын /MBA Program/ мэдлэгийг богино хугацаанд олгох “Personal-MBA” хөтөлбөрийн нээлт, Олон улсын худалдааны төвийн дэргэдэх Эмэгтэй бизнес эрхлэгчдийг дэмжих “SHETRADES HUB” -д Увс аймаг дахь эмэгтэй бизнес эрхлэгчдийг бүртгэх үйл ажиллагаа зэрэг болно. Мөн орон нутгийн үйлдвэр, аж ахуйн нэгж бизнесүүдтэй танилцах, урлаг, соёлын арга хэмжээнүүд болох юм.
Баруун бүсийн аймгуудыг хамарч буй эл форумаар бүсийн үйлдвэр, бизнесүүдтэй танилцахаас гадна эмэгтэй бизнес эрхлэгчдийг дэмжих олон улсын SheTrades төвийн салбар болох Монгол Улс дахь Эмэгтэй бизнес эрхлэгчдийг дэмжих төвөөс баруун бүсийн бизнес эрхлэгч эмэгтэйчүүдийн SheTrades Hub Event-ыг зохион байгуулах юм.
Хариуцах ажилтан: МҮХАҮТ-ын ХҮГ-ын мэргэжилтэн Л.Ойгонжав
Утас: 99077127
Хариуцах ажилтан: МҮХАҮТ-ын ГГ-ын ахлах мэргэжилтэн Л.Энхцэцэг
Утас: 99046587
Цахим шуудан: foreigntrade@mongolchamber.mn