Хуванцар хог, хаягдал дахин боловсруулах үйлдвэрийн санал
Эдийн засгийн хөгжлийн хамтын ажиллагааны байгууллага /ОЕСD/-ын гишүүн улс, орнуудын дотроос Солонгос улс хог хаягдлыг дахин боловсруулж хэрэглэж буй үзүүлэлтээр 2 дугаарт эрэмблэгддэг.
Тус улс иргэдээс хог, хаягдлыг үндсэн 4 төрлөөр ангилан авч, тус бүрээр ялган хаях, ялгасан хог хаягдлыг хүргэх, зориулалтын дагуу малын тэжээл, бордоо, эрчим хүч, хоёрдогч түүхий эдийн зориулалтаар ашиглах, тэдгээрийн төлбөр, хураамжийн нарийвчлан зохион байгуулалттай юм.
Хуванцар хог хаягдлын хувьд Хятадын Засгийн газар 2018 оноос гадаадын улсаас хуванцар хаягдлыг авах /импортлох/-ыг хориглосон шийдвэр гаргасантай холбоотойгоор Өмнөд Солонгосын хог дахин боловсруулах 48 үйлдвэр, аж ахуйн нэгж бизнесийн алдагдал хүлээж, тус төрлийн хог, хаягдал цуглуулах үйл ажиллагаагаа зогсоосон. Иймээс Солонгосын Засгийн газраас 2018 оны 4 дүгээр сараас эхлэн хуванцар хог хаягдлын дахин боловсруулах бизнесийг санхүүгийн хувьд дэмжих арга хэмжээ авч эхлэн, Байгаль орчны яамнаас нь 2030 он гэхэд хуванцар хог, хаягдлыг 50 хувь бууруулж, харин тэдгээрийг дахин боловсруулж ашиглах хувь хэмжээг өнөөгийн 34-өөс 70 хувь болгох арга хэмжээ авахаар үе шаттай ажиллаж байна.
Өнөөдрийн байдлаар Солонгос улсад хуванцар хог хаягдлыг дахин боловсруулах 10 орчим аж ахуйн нэгж, үйлдвэр, тэдгээрийн машин, механизмыг үйлдвэрлэж, борлуулдаг мөн тооны компаниуд үйл ажиллагаа явуулж байна. Эдгээрийн дундаас үйл ажиллагааны цар хүрээ, туршлага зэргийг харгалзан Солонгосын "Worldro" компанийг хуванцар дахин боловсруулах үйлдвэрийг жишиг болгон танилцуулъя. Тус компани нь хуванцар хог хаягдлыг дахин боловсруулж синтетик хуванцар хоёрдогч түүхийн эд бэлтгэх үйлдвэр, тэдгээрийн үйлдвэрлэлийн бүрэн шугам /шат дамжлага бүхий машин, механизм/ борлуулах, суурилуулж ашиглалтад оруулах үйл ажиллагаа явуулж байна.
"Worldro" компанийн зүгээс БНЭУ, Пакистан, Бангладеш, Болив, Узбекстан, БНХАУ, АНУ, Саудын Араб, Иран, Турк, Япон улсуудтай хуванцар сав дахин боловсруулах үйлдвэр байгуулах чиглэлээр хамтран ажилласан туршлагатай ба Монголын аж ахуйн нэгж Та бүхнийг хамтран ажиллахыг урьж байна.
Энэхүү үйлдвэртэй холбогдох хүсэлтэй аж ахуйн нэгж Та бүхэн доорхи хаягаар холбогдоно уу.
Холбоо барих:
МҮХАҮТ, Гадаад харилцаа, хамтын ажиллагааны газар
Мэргэжилтэн Г.Мөнхзул
Утас: 77277070 /6/
Цахим шуудан: munkhzul.g@mongolchamber.mn,
