ОЛОН УЛСЫН ЭРХ ЗҮЙН ХӨГЖЛИЙН БАЙГУУЛЛАГАТАЙ ХАМТРАН АЖИЛЛАХ САНАМЖ БИЧИГ БАЙГУУЛЛАА
Олон улсын эрх зүйн хөгжлийн байгууллага (IDLO) нь Европын сэргээн босголт хөгжлийн банкны санхүүжилтээр 2023-2025 онд Монгол улсад арилжааны эвлэрүүлэн зуучлалын үйл ажиллагааг иж бүрэн бэхжүүлэх төслийг хэрэгжүүлэхээр ажиллаж байна.
Тус төслийн хүрээнд МҮХАҮТ-ын дэргэдэх “Бизнесийн маргааныг эвлэрүүлэн зуучлах төв” нь оролцогч байгууллагаар хамтран ажиллахаар МҮХАҮТ-ын дарга Т.Дүүрэн, Олон Улсын Хөгжлийн Эрх Зүйн байгууллага /IDLO/-ын Суурин төлөөлөгч Стивен Кент нар хамтран ажиллах санамж бичигт гарын үсэг зурлаа.
Хамтын ажиллагааны хүрээнд эвлэрүүлэн зуучлах ажиллагааны эрх зүйн орчныг боловсронгуй болгоход төрийн байгууллагатай хамтран ажиллах, эвлэрүүлэн зуучлагчдын чадавхыг бэхжүүлэх сургалтын хөтөлбөр боловсруулах, цахим контент, товхимол бэлтгэх, жижиг дунд бизнес эрхлэгчдэд арилжааны эвлэрүүлэн зуучлалыг сурталчлан таниулах, эвлэрүүлэн зуучлалын үйлчилгээ үзүүлэх зэрэг ажлуудыг хамтран зохион байгуулах юм.
