МЭДЭЭЛЭЛ
Монголын Үндэсний Худалдаа Аж Үйлдвэрийн Танхим (МҮХАҮТ)-ын XXI их хурал 2023 оны есдүгээр сарын 20-ны өдөр зохион байгуулагдахаар бэлтгэл ажлаа хангаж байна. Их хурлын үйл ажиллагаанд зохион байгуулалттайгаар саад учруулах зорилгоор сөрөг, ташаа мэдээллүүд гарч байгаа тул дараах мэдээллийг хүргэж байна.
МҮХАҮТ нь сайн дурын гишүүнчлэлтэй байгууллага бөгөөд гишүүнчлэлийн хураамжаа цаг хугацаанд нь төлж баталгаажуулсан гишүүн байгууллагуудад Их хуралдаа оролцох, сонгох, сонгогдох эрх нь нээлттэй.
МҮХАҮТ-ын Дүрмийн дагуу гишүүнчлэлийн төлбөрийн зөрчилгүй байгууллагын эрх бүхий албан тушаалтан, эсвэл тухайн байгууллагын итгэмжлэгдсэн үндсэн ажилтан Их хуралд оролцох эрхтэй бөгөөд эдгээр гишүүдээс Удирдах зөвлөл болон Ерөнхийлөгчид нэр дэвших эрх нь нээлттэй юм. Харин гишүүнчлэлийн төлбөрөөс өөр ямар нэгэн нэмэлт төлбөр хураамж авах тухай ойлголт огт байхгүй болохыг хариуцлагатайгаар мэдэгдье.
