Дархан-Уул аймагт “Тогтвортой Сарлагийн Арьс (Sustainable Yak Leather)” төслийн танилцуулга өдөрлөг боллоо

Монголын арьс ширний үйлдвэрлэлийн холбоо (МАШҮХ), Европеан Профайлс С.А. (European Profiles S.A.) хамтран Дархан-Уул аймгийн Дархан суманд “Ургамлын аргаар идээшүүлсэн Монгол сарлагийн арьс шир ба арьсан бүтээгдэхүүний кластерын био-арьс болон био-арьсан бүтээгдэхүүн үйлдвэрлэх чадавхыг бэхжүүлэх төсөл”-ийн танилцуулга өдөрлөгийг 2023 оны 3 сарын 15-ны өдөр зохион байгуулав. Уг төсөл нь Свитч Азиа (SWITCH-Asia) буцалтгүй зээлийн хөтөлбөрийн хүрээнд Европийн холбооны санхүүжилтээр хэрэгжиж байгаа юм.

Уг төслийн танилцуулга өдөрлөгөөр төслийн үйл ажиллагаа, төслийн хүрээнд зохион байгуулагдах сургалт, арга хэмжээ, төслийн хамтрагч, оролцогч талуудын оролцоог танилцуулав.

Өдөрлөгт арьс ширний үйлдвэрүүд, МАШҮХ-ний гишүүд, түүнчлэн, бусад арьс ширний идээлэг болон савхин бүтээгдэхүүн үйлдвэрлэгчид, ЖДҮ эрхлэгчид, малчдын бүлэг, арьс шир нийлүүлэгчид, худалдаачид, мал нядалгааны газрууд, аймгийн болон бүсийн удирдлагууд, мэргэжлийн болон бизнесийн холбоод болон бусад талууд оролцлоо.

Свитч Азиа (SWITCH-Asia) Буцалтгүй зээлийн хөтөлбөрийн талаарх дэлгэрэнгүй мэдээллийг www.switch-asia.eu цахим хуудаснаас авна уу.