(+976) 7727-7070
info@mongolchamber.mn
08:30 - 17:30
Ажлын цаг

О.Амартүвшин: Шинэчлэн баталсан Зөвшөөрлийн тухай хууль бизнесийн орчинд том дэмжлэг үзүүлнэ

2022/07/09 0

УИХ-аар шинэчлэн баталсан "Зөвшөөрлийн тухай хууль"-ийг МҮХАҮТ-д хүлээлгэн өгөх, хуулийн өөрчлөлтийг сурталчлан таниулах, хэрэгжилтийг хангах, төр, хувийн хэвшлийн оролцоо, хамтын ажиллагааг нэмэгдүүлэх, бизнесийн орчныг сайжруулахад хэрхэн нөлөөлөх талаар олон нийт, бизнес эрхлэгчдэд мэдээлэл өгөх Хэвлэлийн бага хурал боллоо. Энэхүү хуралд УИХ-ын гишүүн, Зөвшөөрлийн тухай хуулийн ажлын хэсгийн ахлагч Х.Ганхуяг, МҮХАҮТ-ын Ерөнхийлөгч О.Амартүвшин, МҮХАҮТ-ын Бодлого, стратегийн газрын дарга Ж.Оюунчимэг, Гишүүнчлэлийн газрын дарга Ц.Магнайбаатар оролцлоо.

УИХ-ын хаврын чуулганаар хэлэлцэн баталсан Зөвшөөрлийн тухай хууль нь 2023 оны нэгдүгээр сарын 1-ний өдрөөс хэрэгжиж эхэлнэ. Ингэснээр төрөөс олгож байсан зөвшөөрлийн тоо тав дахин буурч, эрх зүйн цоо шинэ орчин бий болох юм. Энэ нь бизнес, эдийн засгийн орчин сайжрах, хүнд суртал хумигдах, цаг хугацаа хэмнэх зэрэг олон талын ач холбогдолтой.

МҮХАҮТ-ын Ерөнхийлөгч О.Амартүвшин “Иргэд, аж ахуйн нэгжүүд үйл ажиллагаа эрхлэхэд нь төрөөс ирэх дарамт шахалт, хүнд суртал буурах, бизнесийн үйл ажиллагаа идэвхжих, ил тод байдал дээшлэх, эдийн засаг тэлэх суурь нөхцөл бүрдэхэд шинэчлэн баталсан Зөвшөөрлийн тухай хууль гол үүрэг гүйцэтгэхээр байна. Хувийн хэвшил энэ удаагийн шинэчлэлд ихээхэн талархалтай хандаж байгаа. Цар тахлын дараах эдийн засгийг эрчимжүүлэхэд хуулийн үүрэг, оролцоо маш их. Монголын бизнесийн орчныг сайжруулах чухал хууль болсон гэж харж байгаа. Бизнесийн орчинд том дэвшил болж байна” хэмээн онцлов. Одоо хэрэгжиж буй хууль, эрх зүйн зохицуулалтаар иргэн, ААН ямар нэгэн бизнес 1,500-1600 гаруй зөвшөөрлийг давхардсан тоогоор авдаг байсныг нэмж хэлсэн юм.

УИХ-ын гишүүн, Зөвшөөрлийн тухай хуулийн ажлын хэсгийн ахлагч Х.Ганхуяг “2001 онд Тусгай зөвшөөрлийн тухай хууль гэж батлагдаж байсан. "Зөвшөөрлийн тухай хууль"-ийн шинэчилсэн найруулга батлагдахаас өмнө 1,600 зөвшөөрөлтэй байсан. Тухайлбал мэргэжлийн хяналтын эрүүл ахуйн баталгаажуулалтаас гадна найман нэрийн барааны дэлгүүр дээр 8 зөвшөөрөл авдаг байсан бол өнөөдөр зөвхөн архи болон тамхины зөвшөөрлөө л авна. Ажлын байрыг бий болгох, эдийн засгийг тэлэх, бизнесийн орчныг эрүүл, зөв болгох, хүнд суртлыг арилгах нь “Зөвшөөрлийн тухай хууль"-ийн шинэчилсэн найруулгын гол зорилго байсан. Нийт 362 зөвшөөрөл байгаа бол зөвшөөрөл авах үйл явц тодорхой, ойлгомжтой, цэгцтэй, ил тод нээлттэй болж байна” гэв.

МҮХАҮТ-аас бизнесийн орчны нөхцөл байдлыг бодитоор үнэлэх, асуудлыг гаргаж ирэх үүднээс “Хүнд суртлын индекс” гэж судалгааг тогтмол жил бүр бизнес эрхлэгчдийн дунд явуулж ирсэн. Судалгааны үр дүнг нь нийтэд мэдээлж, холбогдох төрийн байгууллага, Засгийн газар, УИХ-ын гишүүдэд хүргүүлж, танилцуулдаг. “Хүнд суртлын индекс-2021” судалгаагаар, Зөвшөөрлийн үйлчилгээний үнэлгээ өгсөн бизнес эрхлэгчдийн 18 хувь нь ба 31 аж ахуйн нэгж ямар нэг хууль, дүрэм журам зөрчигдсөн гэж хариулсан байна.

Харин дээрх 31 байгууллагын 13 нь үйлчилгээтэй холбоотой гомдол гаргасан бол эдгээрээс дөнгөж 2 гомдлыг хууль журмын дагуу шийдвэрлэсэн гэжээ. Зөвшөөрлийн үйлчилгээ авах үйл явцын үнэлгээ нь төрийн үйлчилгээний дундаж үнэлгээнээс бүх үзүүлэлтүүдээр бага үнэлгээтэй байна.

Шинэчлэн баталсан Зөвшөөрлийн тухай хууль ирэх оноос хэрэгжиж эхэлснээр дээрх нөхцөл байдал өөрчлөгдөж, бизнесийн орчин илүү таатай болох хүлээлттэй байна.

Сүүлд нэмэгдсэн мэдээ
"Цар тахлын үеийн бизнесийн нөхцөл байдал ба сургамж" танилцуулга хийлээ
2022/10/04
МҮХАҮТ-ын 2022 оны 9 дүгээр сарын Мэдээллийн товхимолтой танилцана уу
2022/10/04
Монгол, ОХУ, БНХАУ-ын ХАҮТ-уудын Худалдаа, Эдийн Засгийн XVI Нэгдсэн Чуулган болно
2022/10/03
“Монголын Худалдааны Төв” Хөх Хотын гаалийн чөлөөт бүсэд байгуулагдана
2022/10/03
"Улаанбаатар Экспо" төслийг БНХАУ-ын Экспорт, Импортын Банк санхүүжүүлнэ
2022/10/03
“Монгол Улсын Төсвийн бодлогын шинэчлэл” уулзалт боллоо
2022/09/30
ЖАЙКА-гийн Монгол дахь Төлөөлөгчийн газрын төлөөлөлтэй уулзлаа
2022/09/29
Улсын Их Хурлын дарга Г.Занданшатар, Төсвийн байнгын хорооны дарга Г.Тэмүүлэн нар МҮХАҮТ-ын удирдлага болон бизнес эрхлэгчдийн төлөөлөлтэй уулзлаа
2022/09/28
“Зүүн бүсийн брэнд бүтээгдэхүүн, экспортын чиг хандлага” сэдэвт бүсийн чуулган болж байна
2022/09/28
"CEO RADAR" арга хэмжээний үеэр Бизнесийн ёс зүйн төвийн үйл ажиллагааг танилцууллаа
2022/09/28
Ерөнхийлөгч О.Амартүвшин ОХУ-ын худалдааны төлөөлөгч Максим Васильевыг хүлээн авч уулзлаа
2022/09/28
Цар тахлын дараах бизнесийн нөхцөл байдлын судалгааны тайлан
2022/09/27
О.Амартүвшин: Хамтдаа тулгарч буй асуудлаа ярилцаж, шийдэлд хүрэх нь өнөө илүү оновчтой
2022/09/27
ОХУ-ын Бүгд Найрамдах Саха (Якутын) Хөрөнгө оруулалт татах, экспортыг дэмжих төвтэй Санамж бичиг байгууллаа
2022/09/27
Словак-Монголын танхимтай хамтын ажиллагааны харилцан ойлголцлын санамж бичиг байгууллаа
2022/09/27
"CEO RADAR"-т 300 манлайлагч нэгдлээ
2022/09/27
"Улаанбаатар түншлэл-2022" олон улсын үзэсгэлэн амжилттай зохион байгуулагдаж өндөрлөлөө
2022/09/27
Бизнес эрхлэгчдэд ажлын байраа тэлэх боломжийг олгож, хөдөлмөр эрхлэлтийг дэмжих шаардлагатай байна
2022/09/26
Газар зүйн заалтыг хөгжүүлэхэд хувийн хэвшлийн оролцоо, санаачлага чухал
2022/09/26
"Ханбогд кашмер" Миланд болсон "Emerging Talents Milan 2022" загварын шоунд амжилттай оролцлоо
2022/09/26