Холбооны Бүгд Найрамдах Ардчилсан Балба Улс дахь Монгол Улсын өргөмжит консул Цэтан Г. Шрэстаг хүлээн авч уулзлаа
МҮХАҮТ-ын Ерөнхийлөгч О.Амартүвшин Холбооны Бүгд Найрамдах Ардчилсан Балба Улс дахь Монгол Улсын өргөмжит консул Цэтан Г. Шрэстаг хүлээн авч уулзлаа.
Монгол Улсаас Балба Улс руу уул уурхайн зарим төрлийн бүтээгдэхүүн, тэр дундаа зэс, алт, мөнгө, түүнчлэн ямааны ноолуур зэргийг экспортлох боломжтойг Холбооны Бүгд Найрамдах Ардчилсан Балба Улс дахь Монгол Улсын өргөмжит консул Цэтан Г. Шрэста уулзалтын эхэнд онцолсон юм.
Хоёр улсын хооронд аялал жуулчлалын салбарыг хөгжүүлэх, энэ төрлийн хамт ажиллагааг нэмэгдүүлэх боломжтой гэдэгт талууд санал нэгдлээ.
МҮХАҮТ-ын Ерөнхийлөгч О.Амартүвшин хөдөө аж ахуй, аялал жуулчлал, гар урлал, соёлын салбарт хоёр орны хувийн хэвшил хамтран ажиллах, бизнесийн өргөн боломж, түүх, нөхцөл байгааг дурдаад үүнд МҮХАҮТ-ын зүгээс бүх талын бодлогын дэмжлэг үзүүлж ирсэн, цаашид ч онцгой анхаарал хандуулна гэдгээ уулзалт үеэр илэрхийллээ.
Монгол Улс Холбооны Бүгд Найрамдах Ардчилсан Балба Улстай 1961 онд Дипломат харилцаа тогтоосон. Өнгөрсөн онд хоёр орны хооронд дипломат харилцаа тогтоосны 60 жилийн ой тохиосон юм.