Баннер
  • Өршөөлийн хуулийн төсөлд нэг гол зүйл хаягдсан байна

    Өршөөлийн хуулийн төсөлд нэг гол зүйл хаягдсан байна

    МҮХАҮТ-ын тэргүүлэгч гишүүн, “Бридж” группийн Гүйцэтгэх захирал Ц.Сэдванчигтай УИХ-д өргөн баригдаад байгаа Ил тод байдлыг дэмжих хуулийн талаар тодрууллаа. Нэг. Эдийн засгийн Ил тодын хууль зах зээлд сайн  дохио өгнө - Ил тодын хууль гараанд гаргахад бэлэн байгаа. Гэтэл энэ…

  • “Органик бүтээгдэхүүн” эко шошго хэрэглэх эрх олголоо

    “Органик бүтээгдэхүүн” эко шошго хэрэглэх эрх олголоо

    МҮХАҮТанхимаас ногоон эдийн засаг, ногоон бизнесийг дэмжих ажлын хүрээнд аж ахуйн нэгжүүдийн байгальд ээлтэй бүтээгдэхүүн, үйлчилгээнд Органик бүтээгдэхүүн, Ногоон буудал шошгыг олгодог билээ. Дээрх шошгууд нь уг бүтээгдэхүүн, үйлчилгээг цэвэр байгалийн гаралтай органик бүтээгдэхүүн болохыг батламжлах бөгөөд тухайн ААН-үүд бүтээгдэхүүнээ…

Сүүлийн 100 мэдээ

Мэндчилгээ Б.Лхагважав

2015 оны 1-р сарын 13

Export цахим сонины 2014 оны №4

2014 оны 12-р сарын 25

МҮХАҮТ аймаг, орон нутагт

2014 оны 12-р сарын 23

Албан ёсоор бүртгүүллээ

2014 оны 12-р сарын 18

Худалдааны нууц

2014 оны 12-р сарын 11

Мэндчилгээ

2014 оны 12-р сарын 11

Үндэсний шилдэг 100 брэнд

2014 оны 11-р сарын 17

You must have the Adobe Flash Player installed to view this player.

Арга хэмжээ, уулзалт

Японы Олон улсын хамтын ажиллагааны банк /ЖБИК/-ны экспортын зээлийн танилцуулга…

Японы Олон улсын хамтын ажиллагааны банк /ЖБИК/-ны экспортын зээл болон Монгол Японы эдийн засгийн ба хувийн хэвшлийн хамтын ажиллагааны талаар…

“Олон улсын худалдаа хөнгөвчлөх асуудал, Швед улсын туршлагын тухай” семинарт…

МҮХАҮТанхимаас гадаад худалдааг хөнгөвчлөх, экспортыг дэмжих үйл ажиллагааны хүрээнд Швед улсын Гадаад Харилцааны Яамны харьяа агентлаг болох Үндэсний Худалдааны газартай…

Үзэсгэлэн, Яармаг

БНХАУ-ын Эрээн хотноо болох “Цагаан сар-2015” үзэсгэлэн албан ёсоор цуцлагдлаа

2015 оны 1 дүгээр сарын 24-28-ны өдрүүдэд БНХАУ-ын Эрээн хотноо зохион байгуулагдах байсан “Цагаан сар-2015” үзэсгэлэн албан ёсоор цуцлагдсаныг үүгээр…

52nd AYSAF- Istanbul International Footwear Industry Fair – Европын гутал…

11-р сар 17 Үзэсгэлэн, яармаг 536
52 дахь удаагаа зохион байгуулагдаж буй AYSAF- Istanbul International Footwear Industry Fair-Олон улсын гутал үйлдвэрлэлийн салбарын үзэсгэлэн нь түркийн гутал…

Сургалт, Семинар

Олон улсын худалдаа хөнгөвчлөх асуудал, Швед улсын туршлагын тухай” семинарыг…

1-р сар 22 Сургалт, семинар 213
МҮХАҮТанхимын Экспортыг дэмжих хөгжүүлэх газраас гадаад худалдааг хөнгөвчлөх,  экспортыг дэмжих үйл ажиллагааны хүрээнд  Швед улсын Гадаад яамны харьяа Үндэсний  худалдааны…

"Даргын туслах" бэлтгэх сургалтанд урьж байна

1-р сар 15 Сургалт, семинар 308
Монголын Үндэсний Худалдаа Аж Үйлдвэрийн Танхимаас зохион байгуулдаг "Даргын туслах" бэлтгэх ээлжит сургалтын сонсогчдоо бүртгэж байгаа тул сонирхсон хүмүүс, ажилтнуудаа…

  • МҮХАҮТ-аас "ногоон шошго" олгож байна.

    МҮХАҮТ-аас

    МҮХАҮТ-аас ногоон хөгжлийн бодлого, хөтөлбөр болон ногоон бизнес, ногоон эдийн засгийг дэмжих чиглэлээр доорх 2 төрлийн шошгыг байгалийн гаралтай бүтээгдэхүүн болон байгаль орчинд ээлтэй зочлох үйлчилгээ эрхэлдэг аж ахуйн нэгжүүдэд олгож байна. Үүнд:1. Байгалийн гаралтай, органик бүтээгдэхүүнүүдэд олгодог “Made in organic Mongolia” шошгоны журам, шалгууруудыг шинэчлэн боловсруулж “Органик бүтээгдэхүүн /certified organic” шошгоны журмыг Танхимын даргаар батлуулсан. Шошго олгох журмыг Зурган дарж үзнэ үү. 2. Байгаль орчинд ээлтэй үйлчилгээний менежмент нэвтрүүлж…

  • Магнум хавтан

    Магнум хавтан

    “Хатан Эстэр” ХХК нь анх 2006 онд байгуулагдсан бөгөөд барилгын салбарт гарсан шинэ технологийн цоо шинэ бүтээгдэхүүн болох магнум хавтанг танилцуулж байна. Магнийн шохойн материалыг нь эрт үеэс барилгад өргөн хэрэглэж байснаас Хятадын Их Цагаан Хэрэм, Ромын пантеон, Египетийн пирамид зэрэг барилга байгууламжууд нь өнөө хүртэл сүндэрлэсээр байна. Магнум хавтан бол хуурай ханын технологийн цоо шинэ шийдэл буюу гипсэн хавтангийн дараа үеийн технологийн магнийн шохойн хавтан юм. Бүтээгдэхүүний онцлог

  • Хүрэн эдийн засгаас ногоон эдийн засагт шилжих үндэсний хөтөлбөр

    Хүрэн эдийн засгаас ногоон эдийн засагт шилжих үндэсний хөтөлбөр

    2011 он- Ногоон эдийн засаг, ногоон бизнесийг дэмжих жил Хүрэн эдийн засгаас ногоон эдийн засагт шилжих үндэсний хөтөлбөр (“Таван 20” хөтөлбөр) Хөтөлбөрийн үндсэн зорилго нь 20/20/20/20/20 буюу 2020 он дуустал хугацаанд Эрчим хүчний үр ашгийг 20 хувиар нэмэгдүүлэх, Сэргээгдэх эрчим хүчний эх үүсвэрийг суурилагдсан чадлын 20 хувьд хүргэх, Хүлэмжийн хийн ялгарлыг 20 хувиар бууруулах, Байгальд оруулах хөрөнгө оруулалтыг 20 хувиар нэмэгдүүлэх, “Ногоон худалдан авалт”-ыг Засгийн газар, орон нутгийн төсвийн нийт…

  • Цахилгаан хөдөлгүүрүүдэд эрчим хүчийг хэмнэх

    Цахилгаан хөдөлгүүрүүдэд эрчим хүчийг хэмнэх

    Монгол улсын нийт үйлдвэрийн газруудад ашиглаж байгаа цахилгаан хөдөлгүүрийн цахилгааны хэрэглээ улсын нийт цахилгааны хэрэглээний 70 орчим хувийг эзэлдэг. Иймд үйлдвэрийн газрууд дээр хөдөлгүүрүүдийг өндөр үр ашигтай ажиллах, тэдгээрийг цахилгаан ашиглалтын үр ашиг өндөртэй дэвшилтэт цахилгаан хөдөлгүүрээр солих явдал манай орны эдийн засаг хөгжилд маш чухал болж байна. Цахилгаан хөдөлгүүрүүдэд эрчим хүчийг хэмнэх, ашигт ажиллагааг дээшлүүлэх үндсэн арга замууд: Эрчим хүчийг хэмнэх аргууд Тайлбар Эрчим хүчний хэмнэлттэй хөдөлгүүр ашиглах Цахилгаан…



Хуудасны холбоос:


Монгол улсын нийт үйлдвэрийн газруудад ашиглаж байгаа цахилгаан хөдөлгүүрийн цахилгааны хэрэглээ улсын нийт цахилгааны хэрэглээний 70 орчим хувийг эзэлдэг. Иймд үйлдвэрийн газрууд дээр хөдөлгүүрүүдийг өндөр үр ашигтай ажиллах, тэдгээрийг цахилгаан ашиглалтын үр ашиг өндөртэй дэвшилтэт цахилгаан хөдөлгүүрээр солих явдал манай орны эдийн засаг хөгжилд маш чухал болж байна.

Цахилгаан хөдөлгүүрүүдэд эрчим хүчийг хэмнэх, ашигт ажиллагааг дээшлүүлэх үндсэн арга замууд:

Эрчим хүчийг хэмнэх аргууд Тайлбар
Эрчим хүчний хэмнэлттэй хөдөлгүүр ашиглах Цахилгаан бага зарцуулдаг дэвшилтэт технологиор үйлдвэрлэсэн цахилгаан хөдөлгүүрийг өргөнөөр ашиглах
Хөдөлгүүрийн хурд өөрчлөх (VSD) төхөөрөмж ашиглах Хурдыг ачааллаас нь хамааруулан өөрчилж удирддаг төхөөрөмжийг хувьсах ачаалалтай том хөдөлгүүрүүдэд суурилуулах
Хөдөлгүүрийг гараар унтраах Хөдөлгүүрүүдийг ашиглагдаагүй үед нь унтрааж байх журам зааврыг ашиглалтын ажилтнууд болон эрчим хүчний менежментийн багт үүрэг болгох.
Хөдөлгүүрийн ачааллыг бууруулах Цахилгаан хөдөлгүүрийн ачааллыг оновчтой утгад барьж ажиллуулах үйл ажиллагаа
Хөдөлгүүрийн суурилагдсан хүчин чадлыг (овор хэмжээг) тохируулах. Хэтэрхий бага (их) ачаалалтай хөдөлгүүрийг тухайн ачаалалд тохирсон бага (том) чадалтай хөдөлгүүрээр сольж суурилуулах

ЭРЧИМ ХҮЧНИЙ ХЭМНЭЛТТЭЙ ХӨДӨЛГҮҮР ГЭЖ ЯМАР ХӨДӨЛГҮҮРИЙГ ХЭЛЭХ ВЭ?

Цахилгаан бага хэрэглэдэг, өөрөөр хэлбэл цахилгаан ашиглалтын үр ашиг өндөртэй хөдөлгүүрүүд нь ердийн бидний мэдэх хөдөлгүүрүүдээс өндөр чанарын материалууд ашигласан сайжруулсан хийцтэй, холхивчийн үрэлтээс үүсэх алдагдал ба ороомгуудын цахилгааны эсэргүүцлээс үүсэх алдагдал багатай байдгаараа ялгагддаг. Өөрөөр хэлбэл цахилгаан ба механик алдагдал бага гардаг.

Эрчим хэмнэлттэй гурван фазын хөдөлгүүрүүдийн хувьд: Статор ба роторын ороомгуудад гарах алдагдал нь хөдөлгүүрийн нийт алдагдлын 15 хүртэл хувийг эзэлдэг. Энэ тогтмол алдагдал нь нэг фазын бага чадлын хөдөлгүүрүүдэд 30-с дээш хувийг эзэлдэг байна. Статор болон роторын соронзлолтын алдагдал нийт алдагдлын 1-7 хувийг эзэлдэг. Холхивч дээрх үрэлтээс үүсэх алдагдал болон хөргөлтийн сэнснээс үүсэх алдагдал нь нийт алдагдлын 0.5 – 1.5 хувийг эзэлдэг. Үрэлт болон соронзлолтын алдагдлууд нь хөдөлгүүрийн ачааллаас хамаарахгүй зөвхөн хөдөлгүүрийн загвар, хийц хэмжээнээс шууд хамаардаг тогтмол алдагдлууд юм.

Эрчим хэмнэлттэй хөдөлгүүрүүдийн хийцийн хувьд:

  • Статорын ороомгийн дамжуулагчийн хөндлөн огтлолыг нэмэгдүүлж цахилгаан эсэргүүцлийг бууруулсан;

  • Роторт хэрэглэж байгаа хөнгөн цагааны хэмжээг нэмэгдүүлж цахилгаан эсэргүүцлийг бууруулсан;

  • Статор ба ротор хоорондын зайг уртын дагуу жигд, оновчтой болгосон;

  • Хөргөлтийн сэнсний загвар хийцийг сайжруулсан;

  • Статор ба роторын ороомгийн зүрхэвчүүдийг өндөр чанарын нимгэн ган хуудсуудаар шахаж хийсэн учир соронзлолтын алдагдлыг бууруулсан;

  • Өндөр чанарын холхивчуудыг ашигласан байдаг.

Хийцийн дээрх чанаруудын улмаас нийт алдагдал буурахаас гадна хөдөлгүүрүүдийн хэт ачааллал дор ажиллах чадвар сайжирч, тусгарлагч болон холхивчуудын ашиглалтын хугацаа уртсаж, дулааны алдагдал багасаж, чичиргээ буурч, найрваржилт сайжирсан гэх мэт дайвар үр дүн гардаг. Эрчим хэмнэлттэй хөдөлгүүр нь бүрэн ачааллынхаа 75% тай тэнцэх ачааллын үед цахилгаан ашиглалтын үр ашиг хамгийн өндөр байдаг.

Дараах зурагт өндөр эрчим хэмнэлттэй цахилгаан хөдөлгүүрүүдэд хийгдсэн сайжруулалтуудыг дугаарлан үзүүлэв.

Хөдөлгүүрт алдагдал үүсдэг хэсгүүд АЛДАГДЛЫГ ХЭРХЭН БУУРУУЛСАН
1. Ган зүрхэвчүүд Өндөр чанарын маш нимгэн ган хуудсуудыг шахаж, зүрхэвчийг урт болгосноор зүрхэвчийн ган дээр үүсэх хуйлрах гүйдлийн алдагдлыг бууруулж, ажиллагааны үед үүсэх соронзон урсгалын нягтралыг бууруулсан.
2. Статор Стоторын ороомгийн хөндлөн огтлолыг ихэсгэж ороомгын эсэргүүцлийг багасгаж гүйдлийн урсгалаас үүсэх алдагдлыг бууруулсан.
3. Ротор Роторын ховилын хэмжээг ихэсгэж, дамжуулагчийн эсэргүүцэлийг бууруулж, гүйдлийн урсгалаас үүсэх алдагдлыг бууруулсан.
4. Сэнс (салхины эсэргүүцэл) Дээрх шинж чанаруудаас хамааран хөдөлгүүрийн дулааны алдагдал багасах бөгөөд хөргөлтийн сэнсний хэмжээг багасгаж агаарын эсэргүүцлээс үүсэх алдагдлыг бууруусан.
5. Сарнилтын ачааллын алдагдал. Хөдөлгүүрийн их биеийн загварыг сайжруулж хийснээр саринлтын алдагдлыг бууруулсан.

Хөдөлгүүрийн ачаалал маш бага байвал эрчим хүчний үр ашигтай ажиллагаа 40-50% хүртэл буурах талтай байдаг.

ЦАХИЛГААН ХӨДӨЛГҮҮРИЙН ХУРДЫГ УДИРДАЖ ЭРЧИМ ХҮЧИЙГ ХЭМНЭХ АРГА ЗАМУУД.

Үйлдвэр аж ахуйн газрын тоног төхөөрөмжүүдэд ашиглагдаж байгаа давтамж, хүчдэл өөрчлөлтгүй үед тогтмол хурдтайгаар ажилладаг цахилгаан хөдөлгүүрүүдийн хурдыг удирдаж, тохируулах аргуудыг товч авч үзье.

Хувьсах хурдын удирдлагын төхөөрөмж – VSD. Хурд тохируулах удирдлагын төхөөрөмжүүд нь янз бүрийн шинж чанар, тодорхойломжуудтай байдаг.

Удирдлагын хоёр үндсэн төрөл байдаг:

  • Хурдны гар удирдлага: Энэ нь удирдлагыг дурын байрлалд гараар удирдах эсвэл нэг байрлалд тохируулан орхих.

  • Хөдөлгүүрийн гол дээр суусан ачааллын өөрчлөлтөөс гэдрэг холбоогоор дохио авч хурдыг автоматаар өөрчилж тохируулах.

Хувьсах хурдны төхөөрөмжүүдийг ашигласнаар гарах үр дүн гэвэл (i) Тухайн хөдөлгүүрийн ачаалал процессийг хянаж, удирдах үйл ажиллагаа сайжирч, улмаар түүний бүтээмж, мөн бүтээгдхүүний чанарыг дээшлүүлэх; (ii) Зөөлөн асаалт, зөөлөн зогсоолт, цахилгаан динамик тормозыг программчилах боломжтой болгох; (iii) Чадал, эргэлтийн момент, хурд зэргийг өргөн хязгаарт тохируулах боломжтой байх; (iv) Олон тооны хөдөлгүүрийг өөр хооронд уялдуулж хянаж удирдах боломжтой болгох; (v) Тогтмол гүйдлийн удирдах төхөөрөмжүүдтэй адил динамик хариу үйлчлэлтэй болгох; (vi) Хувьсах хурдны уг төхөөрөмжийн ашиглалтад ямар нэг саатал гарахад уг төхөөрөмжийг тойруулж цахилгаан тэжээл холбогдон хөдөлгүүр хэвийн ажиллах боломжтой байх.

Олон хурдтай хөдөлгүүр ашиглах. Олон хурдтай хөдөлгүүрийн үндсэн гурван төрөл байдаг:

  • Олон ороомогтой хөдөлгүүр; Энэ төрлийн хөдөлгүүрийн статорын ороомог нь 2 буюу түүнээс дээш хэсгээс тогтдог бөгөөд тэдгээр хэсгүүдийн холболтыг, туйлын тоог өөрчлөх замаар өөр өөр тогтмол хурданд ажиллуулдаг.

Хөдөлгүүрийн гол дээр суурилуулдаг ДАМАР-ын хэмжээг (харьцааг) өөрчилөх. Хөдөлгүүрийн төхөөрөмжтэй холбосон дамжуулгын дамарын харьцааг өөрчлөх нь хурдыг өөрчлөх хамгийн хямд арга юм. Дамарын харьцааг өөрчлөн хөдөлгүүрийн хурдыг өөрчилж байх үедээ гулсалтын эрсдлийг авч үзэж байх хэрэгтэй.

ЦАХИЛГААН ХӨДӨЛГҮҮРИЙГ УНТРААЖ ЭРЧИМ ХҮЧИЙГ ХЭМНЭХ

Цахилгаан хөдөлгүүр нь хоосон явалтын горимд ажиллаж байх үед бүрэн ачааллын чадлынхаа 20 хувийг хэрэглэдэг тул тэдгээрийг ашиглаагүй, шаардлагагүй үед унтрааж байх шаардлагатай. Үйлдвэрлэлийн үйл ажиллагаанд хөдөлгүүр ашиглалтын нөхцөл байдалд тохируулан ашиглах боломжтой дараах аргууд байдаг. Үүнд:

  • Гараар унтраах; Энэ арга мартах муу тал байдаг.

  • Бусад төхөөрөмжүүдийн ажиллагаатай зохицуулж, удирдлагын схемд өөрчлөлт хийх арга.

  • Түвшин мэдрэгч сенсор тавих; жишээлбэл: усан сангийн усны дээд доод түвшингээс хамааруулан насосны хөдөлгүүрийг шаардлагатай үед нь ажиллуулах.

  • Хугацааны тавилтай унтраалга; Төхөөрөмжийн ажиллах шаардлагатай цагийг тохируулж өгнө.

  • Ачаалал мэдрэгч; Ихэнх хөдөлгүүрүүд нь удаан хугацааны туршид ачаалалгүй ажиллаж байдаг ба хөдөлгүүрийн холхивч, дамжуулгууд, ремен суух шкив, гэх мэт дамуулах эд ангиуд дээр нилээд их хэмжээний алдагдлууд үүсдэг. Энэ удирдлагын төхөөрөмж нь хөдөлгүүрийг ачаалалгүй ажиллаж байгааг төхөөрөмжийн шаардлагатай хэсгүүдэд суурилуулсан мэдрэгчүүдээс мэдээл авч тодорхой хугацааны дараа хөдөлгүүрийг унтраадаг. Конвейр пресс-шахуурга гэх мэт тоноглолуудад энэ аргыг хэрэглэх нь үр дүнтэй байдаг.

Хөдөлгүүрийг асааж унтраах нь эрчим хүчийг хэмнэх хамгийн энгийн арга боловч ойр ойрхон залгаж салгах үеийн асаалтын гүйдлийн өндөр утгаас үүссэн дулаан нь тэдгээрийн дамжуулга, холхивчын элэгдлийг түргэсгэх ба хөдөлгүүрийн тусгаарлагын системийн насыг богиносгож, хөдөлгүүрт нэмэлт засвар үйлчилгээ хийх зардал зэргийг анхаарах хэрэгтэй. Энд тэмдэглэхэд зөөлөн асаалтын системийг ашиглавал хөдөлгүүр асах үед үүсэж байгаа хөдөлгүүрийн элэгдлийг багасгаж, асаалтын үеийн давтамжийг 2-4 дахин нэмэгдүүлдэг.

ЦАХИЛГААН ХӨДӨЛГҮҮРИЙН АЧААЛЛЫГ БУУРУУЛЖ ЭРЧИМ ХҮЧИЙГ ХЭМНЭХ

Цахилгаан хөдөлгүүрийн гол дээр холбогдсон ачааллыг бууруулж болох эсэхь мөн хөдөлгүүрийн гол дээр суусан тоноглолуудаас аль аль нь ажилууллах шаардлагатай эсэх зэргийг анхааран үзэж шийдэх хэрэгтэй. Хөдөлгүүрийн ачааллыг бууруулах олон янзын техникүүд байдаг.

АЧААЛАЛД НЬ ТОХИРУУЛАН ЦАХИЛГААН ХӨДӨЛГҮҮРИЙГ СОЛИХ

Хэрвээ хөдөлгүүрийн байнгын ачаалал бүрэн ачааллынхаа 25% ба түүнээс бага болсон үед уг хөдөлгүүрийг бага оврын хөдөлгүүрээр солих асуудлыг авч үзэж болно.

Хөдөлгүүрийн овор хэмжээг ачаалалд нь тааруулан багасгах: Иж бүрдэл байдлаар угсарсан компрессор гэх мэт төхөөрөмжүүдийн цахилгаан хөдөлгүүрийг тухайн ачаалал болон ашиглах зориулалтад нь тохируулан зөв сонгосон байдаг.

Зарим тохиолдолд хэрэглээ буюу ачаалалд нь тааруулан хөдөлгүүрийн овор хэмжээг (чадлыг) багасгах зайлшгүй шаардлага гардаг. Үүнд:

  • Салхилуур, насосны иж бүрдэл: жишээлбэл уг хэрэглээ болон ачаалалд тохироогүй өөр төрлийн их чадалтай хөдөлгүүр худалдан авч суурилуулсан байх. Энэ тохиолдолд уг хөдөлгүүр бүрэн ачааллаараа ажиллаж чадахгүй байнга бага ачаалалтай үр ашиггүй ажилладаг.

  • Үйлдвэрлэлийн тоног төхөөрөмжийг солих, хүчин чадлын өөрчлөлтийг дагаж хөдөлгүүрийн ачааллыг бууруулах буюу бага чадалтай хөдөлгүүрийг сонгон авч ажиллуулах шаардлага гардаг.

Хөдөлгүүрийг бага оврын хөдөлгүүрээр шинэчлэх хоёр үндсэн чиглэл байдаг:

  • Хөдөлгүүр эвдэрч, гэмтсэн үед түүнийг засварлахаас шинээр авах нь илүү үр ашигтай гэж үзсэн тохиолдолд түүнээс бага чадалтай хөдөлгүүр сонгон авах бөгөөд ингэснээр ашиглалт, засварын зардлыг бууруулах боломжтой юм.

  • Хөдөлгүүр нь ажиллаж байгаа боловч хэрвээ уг хөдөлгүүрийн чадад бодит ачааллаасаа хэтэрхий том овор хэмжээтэй үед түүнийг солих нь үр ашигтай байдаг.

Хөдөлгүүрийг солих үед авч үзэх практик зүйлүүд:Хөдөлгүүрийг бага чадалтай бага овортой болон эрчим хүчний хэмнэлттэй хөдөлгүүрээр солих үедээ дараах зүйлүүдийг анхаарах нь чухал байдаг.

  • Цахилгаан хөдөлгүүрийн урт болон бэхэлгээний суурь: Зарим тохиолдолд шинээр сольж буй хөдөлгүүрийн суурийн бэхэлгээний нүх, урт, голын өндөр, диаметр, голын төхөөрөмжтэй холбогдох хэсгийн урт зэрэг нь хуучин хөдөлгүүрийнхээс өөр байдаг. Өөрчлөлт хийх хөрөнгө оруулалтын тооцоо хийх үедээ эдгээр өөрчлөлтүүдийг хийхэд гарах зардлуудыг тооцон оруулах хэрэгтэй байдаг.

  • Ажиллагааны үеийн температур: Өндөр эрчим хэмнэлттэй хөдөлгүүрүүд нь стандарт хөдөлгүүрүүдийн ажиллах температурын ангилал дотор ажилладаг. Гэвч хэт их дулааныг сарниулж чаддаггүй.

  • Хамгийн их чадлын чадавхи: Бага оврын, бага чадалтай хөдөлгүүрээр солихын өмнө ачаалалгүй үеийн чадал нь хэтэрхий их болох эсэхийг сайтар шалгах хэрэгтэй.

  • Хөдөлгүүрийн хамгаалалт: Шинэ хөдөлгүүрээр шинэчлэх үед гал хамгаалагчийн тавил хамгаалалтын тохируулгуудын өөрчлөлтүүдийг тооцож оруулах хэрэгтэй. Ихэнх хөдөлгүүрүүд нь дулааны хэт ачааллаас хамгаалах термистортой үйлдвэрлэгдэж байгаа. Үүнийг холбож ашиглах хэрэгтэй.

  • Хөдөлгүүрийн гулсалт: Хөдөлгүүрийн гулсалт нь хөдөлгүүрийн хурданд нөлөөлдөг ба түүнчлэн эрчим хүчний хэрэглээнд нөлөөлдөг. Гулсалтыг багасгасан орчин үеийн өндөр эрчим хэмнэлттэй хөдөлгүүрүүдийг ачаалал нь маш түргэн өсдөг тусгай хэрэглээнүүдэд ашиглаж байна.

Асаалтын момент: Бага оврын хөдөлгүүрээр сольж байх үедээ тухайн хэрэглээний асаалтын үеийн ачаалал нь уг хөдөлгүүрт тохирч байгааг шалгах хэрэгтэй. Хэрвээ шинээр сольж буй бага оврын хөдөлгүүрийн асаалтын момент нь хуучин байсан хөдөлгүүрийнхээс бага байвал од/гурвалжин холболтоор асааж дараа нь шууд холбох аргыг ашиглах гэх мэт удирдалагуудыг хэрэглэнэ


Холбоотой мэдээлэл