Бизнес эрхлэгч залуучуудыг тодруулах бүх нийтийн санал асуулга
Зурган дээр дарж саналаа өгнө үү.
“ШИЛДЭГ-99” БИЗНЕС ЭРХЛЭГЧ ЗАЛУУЧУУДЫГ ТОДРУУЛАХ
ЁСЛОЛ ХҮНДЭТГЭЛИЙН АЖИЛЛАГААНЫ УДИРДАМЖ
Монголын Үндэсний Худалдаа Аж Үйлдвэрийн Танхим нь Монгол Улсын нийгэм, эдийн засгийн хөгжилд оруулж буй бодит хувь нэмэр, санал санаачилга, бүтээмжийг нь үнэлэн Шороон гахай жилийн “ШИЛДЭГ-99” бизнес эрхлэгч залуучуудыг тодруулах ёслол хүндэтгэлийн ажиллагааг 2020 оны 02 дугаар сарын 20-ны өдөр зохион байгуулах гэж байна.
Анх удаагаа зохион байгуулагдах гэж буй Уг ёслолын ажиллагааны гол зорилго нь бизнес эрхлэгч залуучуудын тухайн жилийн ажлын ололт амжилтыг дүгнэн дэмжин урамшуулах, олон нийтэд сурталчлан таниулахад оршох бөгөөд тухайн жилийн шилдэг бизнес эрхлэгч залуучуудыг бүх нийтийн санал асуулга болон Танхимын удирдлагын хурлын шийдвэрээр тодорхой шалгуур үзүүлэлтүүдийн дагуу шалгаруулна.
Бизнесийн салбарт өөрийн бодит хувь нэмэр, санал санаачилга, бүтээмжийг бий болгон амжилттай ажиллаж буй залуучуудыг алдаршуулан урам зориг өгөх, дэмжих зорилгоор Монголын Үндэсний Худалдаа Аж Үйлдвэрийн Танхимын “Шилдэг залуу бизнесмен” алтан медаль, хүндэт өргөмжлөл олгоно.
ШАЛГАРУУЛАЛТАД МАТЕРИАЛ БҮРДҮҮЛЭХ УДИРДАМЖ
1. Материал хүлээн авах:
- Шалгаруулалтад нэр дэвшигчийн материалыг онлайнаар бөглөх болон цаасан хэлбэрээр бүрдүүлж өгөх
2. Материал хүлээн авах хугацаа:
- 2020 оны 01 дүгээр сарын 10-аас 2 дугаар сарын 03-ний 18.00 цаг хүртэл /хугацаа хоцроосон тохиолдолд материал хүлээн авах боломжгүйг анхаарна уу/
3. Хамрах хүрээ:
- 18-45 нас хүртэлх
4. Шалгаруулалт:
- Олон нийтийн санал хураалт: 2020 оны 2 дугаар сарын 14-ийг дуустал www.mongolchamber.mn сайтаар санал хураалт явагдана.
- Олон нийтийн санал нь эцсийн шалгаруулалтад 60 хувийн оноо болно.
- Танхимын удирдлагын хурлын шийдвэрээр “ШИЛДЭГ-99” бизнес эрхлэгч залуучууд тодроно.
5. Нэр дэвшигчийн бүрдүүлэх материал:
- Нэр дэвшигчийн Шороон гахай жилд хийсэн ажлуудын жагсаалт (сүүлийн 3-5 жилийн ажлын тоон үзүүлэлтийг хавсаргана)
- Байгууллагын удирдлагын зөвлөл болон байгууллагаас тодорхойлсон тогтоол, шийдвэр, хамт олны хурлын албан тэмдэглэл
- Ажил байдлын тодорхойлолт (ажлын чанар, үр дүн, амжилт, шинэ бүтээл, санаачилсан тэргүүн туршлага зэргийг тооцоо судалгаатай, тоон үзүүлэлттэйгээр тусгасан байна)
- Онцгой амжилт гаргасан бол түүнийг гэрчлэх баримт бичиг, шийдвэрийн хуулбар, бүтээлийн жагсаалт (ажлын ололт амжилтыг баримтаар нотлон холбогдох материалыг хавсарган ирүүлэх)
Жич: Бүх материалыг 2 хувь авах бөгөөд файлаар info@mongolchamber.mn-мэйл хаягаар илгээнэ үү.
Нэмэлт мэдээллийг:
МҮХАҮТ, Гишүүнчлэлийн газар
Мэргэжилтэн Б.Түвшинтөр
Утас: (976) 7727-7070(2), 9907-8303, 8088-2222